Ապրիլի 8-ին ոստիկանության Աշտարակի բաժնի ծառայողները Ոսկեվազ գյուղի սկզբնամասից, թմրանյութ օգտագործելու կասկածանքով, «Մերսեդես» մակնիշի ավտոմեքենայով հանդերձ բերման են ենթարկել ավտոմեքենայի վարորդ` 1989 թ. ծնված Միսակ Հ.-ին, և ուղևորներ` 1989 թ. ծնված Գևորգ Բ.-ին և 1986 թ. ծնված Գուրգեն Շ.-ին:
Խուզարկությամբ Միսակ Հ.-ի մոտից հայտնաբերվել է 2,3 գ կանեփանման զանգված, իսկ ավտոմեքենայի առջևի նստատեղերի միջնամասում գտնվող պահոցից` կանեփի չորացված, մանրացված զանգված:
Հայտնաբերվածն ուղարկվել է փորձաքննության:
Միսակ Հ.-ն, Գևորգ Բ.-ն և Գուրգեն Շ.-ն ներկայացվել են դատաքիմիական փորձաքննության:
Կատարվում է հետաքննություն:
.gif)
