ՏԵՍԱՆՅՈՒԹ․ Ձյուն, փակ ճանապարհներ. ինչ իրավիճակ է ՀՀ-ում

Եղանակը շարունակում է զարմացնել և անակնկալներ մատուցել քաղաքացիներին։

3-4 օր է, ինչ Հայաստանում Արևմուտքից ներթափանցած ակտիվ ցիկլոն է գործում։ Հանրապետության գրեթե ողջ տարածքում անձրևներ էին, իսկ լեռնային գոտիներում՝ ձյուն։

ArmLur.am-ը տեղեկացավ, որ գործող ցիկլոնը հանրապետությունում կմնա մինչև մարտի 23-ը ներառյալ։

Նշենք, որ Ապարանի, Արագածի, Սպիտակի, Ստեփանավանի, Թումանյանի, Արթիկի, Աշոցքի և Դիլիջանի տարածաշրջաններում ձյուն է տեղացել։

Ժամը 09։00-ի դրությամբ փակ է եղել Սպիտակի, Ստեփանավանի և Դիլիջանի ոլորանները կցորդիչով տրանսպորտային միջոցների համար, իսկ Ճամբարակի և Գորիսի տարածաշրջաններում մառախուղ է եղել։

Ներկա պահի դրությամբ չկան փակ ավտոճանապարհներ, միջպետական և հանրապետական նշանակության բոլոր ավտոճանապարհները բաց են։

Հավելենք նաև, որ Լոռու մարզումբ ձյան ծածկի բարձրությունը տատանվել է 20-30 սմ-ի սահմաններում։

Մանրամասները՝ տեսանյութում։

Աննա Սրապիոնյան