Գերմանիայի ԱԳՆ-ն արգելել է Վրաստանից այն պաշտոնյաների մուտքը երկիր, որոնք պատասխանատու են հանրապետությունում ցուցարարների դեմ կոշտ միջոցներ ձեռնարկելու համար։ Այս մասին հաղորդվում է X սոցցանցում գերատեսչության էջում։
Հայտարարության մեջ ասվում է, որ շուրջ երեք ամիս վրացիները մասնակցում են բողոքի ցույցերի՝ ի պաշտպանություն իրենց երկրի՝ Եվրամիության անդամ դառնալուն և բողոքելով գործող իշխանությունների վարած կուրսի դեմ։ Ըստ Գերմանիայի ղեկավարության՝ վրաց ժողովուրդը դեմ է «ահաբեկմանը, բանտարկությանը և բռնությանը»։ Արգելքը կիրառվել է կիրառված բռնության համար պատասխանատուների նկատմամբ, նշել են գերատեսչությունից։
2024 թվականի գարնանը Վրաստանի խորհրդարանն ընդունել է օրենք օտարերկրյա գործակալների մասին, որը վերաբերում է մասնավոր կազմակերպություններին և լրատվամիջոցներին, որոնց ֆինանսավորման ավելի քան 20%-ը ստացվում է այլ երկրներից։ Այս օրենքի ընդունման պատճառով երկրում տեղի են ունեցել բողոքի զանգվածային ցույցեր։
Նույն տարում ավելի ուշ հանրապետության վարչապետ Իրակլի Կոբախիձեն հայտարարել է, որ Վրաստանը հետաձգում է Եվրամիությանը հնարավոր անդամակցության շուրջ բանակցությունների մեկնարկը մինչև 2028 թվականի վերջ։
.gif)
