Ուկրաինայում պոտենցիալ «կամավոր» խաղաղապահ առաքելության մանրամասն ծրագրումը նախատեսվում է սկսել այս շաբաթ արևմտյան ռազմական հրամանատարների շրջանում, ըստ CBC News-ի՝ հայտնել է Կանադայի՝ արտերկրում և ներքին գործողությունների համար պատասխանատու գլխավոր գեներալը:
Խաղաղապահ ուժեր հասկացությունը միջազգային մակարդակով թերահավատությամբ է ընդունվում, մինչդեռ Ուկրաինան և Ռուսաստանը անուղղակի հանդիպումներ են ունենում սահմանափակ հրադադարի շուրջ բանակցելու համար:
Գեներալ-լեյտենանտ Սթիվ Բոյվինի կարծիքով՝ Կանադային ծանր ժամանակներ են սպասվում, բայց դա հնարավոր է, եթե ուկրաինական ուժերը վարժեցնող զորքերը վերաբաշխվեն խաղաղության պահպանման համար:
Նա CBC News-ին պատմել է, որ անցյալ շաբաթ Մեծ Բրիտանիայում տեղի է ունեցել 28 երկրների բարձրաստիճան զինվորականների նախնական հանդիպումը և հայտնել իրենց պատրաստակամությունը մասնակցելու զորքերի ստեղծմանը, որը կտեղակայվի հրադադարի դեպքում:
Բոյվինը մասնակցել է նշված քննարկումներին։
«Ցանկանում եմ ընդգծել, որ մենք չգիտենք, թե ինչպիսի պայմաններ կարող են լինել նման հրադադարի հաստատումը։ Հետևաբար կատարում ենք մի շարք ենթադրություններ և արտակարգ իրավիճակների ծրագրեր մշակում,-ասել է Բոյվինը: -Ընդհանուր նպատակը որոշում կայացնողներին տարբերակներ առաջարկելն է»:
Մարտի սկզբին, կիրակի կայանալիք դաշնային ընտրություններից առաջ, պաշտպանության նախարար Բիլ Բլերը հայտարարել էր, որ հրադադարի դեպքում Կանադան «պատրաստ է և ընդունակ է» զորքեր տրամադրել:
.gif)
