Ադրբեջանի նախագահը շնորհավորել է Բանգլադեշի գործընկերոջը՝ Անկախության օրվա առթիվ

Ադրբեջանի նախագահ Իլհամ Ալիևը շնորհավորական ուղերձ է հղել Բանգլադեշի առաջնորդ Մոհամմադ Շահբուդինին՝ երկրի ազգային տոնի՝ Անկախության օրվա կապակցությամբ։

Ուղերձի տեքստը հրապարակվել է ԱՀ նախագահի պաշտոնական կայքում։

«Մենք մեծ նշանակություն ենք տալիս ադրբեջանաբանգլադեշյան հարաբերությունների ընդլայնմանը և համագործակցության նոր բովանդակությամբ համալրմանը։

Վստահ եմ, որ մենք կշարունակենք մեր համատեղ ջանքերը՝ ուղղված միջպետական ​​հարաբերությունների ամրապնդմանը և մեր ժողովուրդների շահերին համապատասխան մեր համագործակցության ներուժի իրացմանը։ Օգտվելով առիթից՝ ցանկանում եմ իմ անկեղծ շնորհավորանքներն ու բարեմաղթանքները հայտնել Ձեզ և Բանգլադեշի ողջ բարեկամ ժողովրդին գալիք սուրբ Ռամադան ամսվա կապակցությամբ»,-ասվում է Ադրբեջանի ղեկավարի շնորհավորական ուղերձում։