Համաշխարհային բանկը հավանություն է տվել Ադրբեջանի վերականգնվող էներգիայի ընդլայնման նախագծին

Համաշխարհային բանկն այսօր հաստատել է Ադրբեջանի վերականգնվող էներգիայի ընդլայնման նախագիծը (AZURE)։ Այս մասին հաղորդում է Համաշխարհային բանկը:

Տեղեկատվության համաձայն՝ նախագիծը կամրապնդի Ադրբեջանի էլեկտրահաղորդման ցանցը և երկրին հնարավորություն կտա դիվերսիֆիկացնել իր էներգետիկ ռեսուրսները։

173,5 միլիոն դոլարի վարկը հնարավորություն կտա Ադրբեջանին ընդլայնել և արդիականացնել իր էներգետիկ ենթակառուցվածքները։

Նախնական փուլում ծրագիրը կնպաստի 384 մլն ԱՄՆ դոլարի մասնավոր ներդրումների իրականացմանը և ճանապարհ կհարթի վերականգնվող էներգիայի ոլորտում ապագա ներդրումների համար։