Իրանի և Ադրբեջանի նախագահները հեռախոսազրույց են ունեցել․ ինչ են քննարկել

Իրանի և Ադրբեջանի նախագահներ Մասուդ Փեզեշքիանն ու Իլհամ Ալիևը հեռախոսազրույց են ունեցել:

Նրանք գոհունակություն են հայտնել երկու երկրների միջև բարձր մակարդակի փոխայցելությունների դինամիկայի կապակցությամբ։ Կողմերը քննարկել են միջկառավարական հանձնաժողովի գործունեությունը։

Ավելացնենք, որ նախագահները մտքեր են փոխանակել նաև տնտեսության, առևտրի, տրանսպորտի, էներգետիկայի և այլ ոլորտներում երկկողմ համագործակցության զարգացման հեռանկարների շուրջ։