ՏԵՍԱՆՅՈՒԹ․ Ավերիչ երկրաշարժից հետո Մյանմարում 7-օրյա սուգ է հայտարարվել

Մյանմարում 7-օրյա համազգային սուգ է հայտարարվել երկրաշարժից հետո։

Յոթնօրյա համազգային սուգը հայտարարվել է ուրբաթ օրը Մյանմարի կենտրոնում տեղի ունեցած 7,7 մագնիտուդ ուժգնությամբ ավերիչ երկրաշարժից հետո։

Երկրաշարժի զոհերի թիվը գերազանցել է 1700-ը, կա ավելի քան 3400 վիրավոր և  300 անհետ կորած։

Միևնույն ժամանակ, Մյանմարի խունտայի կառավարիչ, գեներալ Մին Աուն Հլաինգը կիրակի օրը հեռախոսազրույց է ունեցել Մալայզիայի վարչապետ Անվար Իբրահիմի հետ։ Երկուստեք քննարկվել են երկրաշարժի ազդեցությունը և փրկարարական  աշխատանքները։

Ռուսաստանը, Հնդկաստանը, Չինաստանը, Թաիլանդը, ՄԱԿ-ը, ԱՄԷ-ն և այլ երկրներ մարդասիրական օգնության հետ մեկտեղ ուղարկել են նաև որոնողափրկարարական հատուկ խմբեր։

Հիշեցնենք, որ Մյանմարում առաջին երկրաշարժը գրանցվել է մարտի 28-ին կրկին 7,7 մագնիտուդ ուժգնությամբ, որի հետցնցումները եղել են 6,4 բալ։

Հավելենք, որ երկրաշարժը զգացվել է նաև Թաիլանդի մայրաքաղաք Բանգկոկում։

Մանրամասները՝ տեսանյութում։

Աննա Սրապիոնյան