ՏԵՍԱՆՅՈՒԹ․ ՔՊ-ն սեպտեմբերին նոր վարչություն կձևավորի․ ինչ նպատակ ունի Նիկոլ Փաշինյանը

ArmLur.am-ի տեղեկությունների համաձայն, սեպտեմբեր ամսվա վերջին օրերին «Քաղաքացիական պայմանագիր» կուսակցությունը պատրաստվում է «Քաղաքացիական պայմանագիր» վարչության նոր անդամներ ընտրել։

ArmLur.am-ի իշխանական աղբյուրները փոխանցում են, որ Նիկոլ Փաշինյանը նպատակ ունի «ՔՊ» վարչությունը վերից վար փոխել։ Սա է պատճառը, որ քիչ առաջ պատգամավորական մանդատից հրաժարված Վիլեն Գաբրիելյանը պատրաստվում է որպես վարչության անդամ ինքնառաջադրվել։

Հիշեցնենք, որ ՔՊ վարչության վերջին ընտրությունները տեղի են ունեցել 2022 թվականի նոյեմեբերի 4-ին, որը սկանդալային ավարտ ունեցավ, քանի որ ՔՊ-ն իր ներսում կեղծել էր վարչության ընտրությունները։

Նշենք նաև, թե ինչպես էր ամեն բան տեղի ունեցել։

ArmLur.am-ը գրել էր, որ ԱԺ «ՔՊ» խմբակցության պատգամավոր Արսեն Թորոսյանը, որ ի սկզբանե վարչության անդամությունում չէր հայտնվել, կուսակցության անդամներից մեկի համակարգչի վրա նկատում է այն շրջանառվող ցուցակը, որտեղ գրված է եղել՝ ով պետք է անցնի վարչություն, ով՝ ոչ: Նա լուսանկարել էր շրջանառվող այդ ցուցակն ու վերահաշվարկ պահանջել:

Ու միայն վերահաշվարկ իրականացնելիս ՔՊ-ին հրապարակեց իր վարչության 15 նոր անդամներին:
1․ Փաշինյան Նիկոլ
2․Պապիկյան Սուրեն
3․Ռուբինյան Ռուբեն
4․Ավինյան Տիգրան
5․Պապոյան Գևորգ
6․Միքայլեյան Սասուն
7․Հարությունյան Արայիկ
8․Դավոյան Արփինե
9․Սանոսյան Գնել
10․Ալեքսանյան Վահագն
11․Սիմոնյան Ալեն
12․Հակոբյան Վաղարշակ
13․Փամբուխչյան Արմեն
14․Թորոսյան Արսեն
15․ Պետրոսյան Ռոմանոս։

Սոնա Գրիգորյան