Հայաստանի և Ադրբեջանի միջև խաղաղության գործընթացը մեծ նշանակություն ունի։ Այս մասին ասել է Գերմանիայի նախագահ Ֆրանկ-Վալտեր Շտայնմայերը Ադրբեջանի նախագահ Իլհամ Ալիևի հետ համատեղ մամուլի ասուլիսի ժամանակ։
Գերմանիայի նախագահը շնորհավորել է Ադրբեջանին անցած տարվա ընթացքում ձեռնարկված քայլերի և այս ուղղությամբ առաջընթացի կապակցությամբ։
«Եկել է վճռորոշ պահը՝ համաձայնության գալու համար, հուսով եմ, որ այս հնարավորությունը կօգտագործվի, խաղաղության պայմանագիր կստորագրվի, և ձեր տարածաշրջանում կհաստատվի կայուն խաղաղություն, ես մեծ հույսեր ունեմ»,- ընդգծել է նա։
Նախագահ Ֆրանկ-Վալտեր Շտայնմայերը նույնպես վերահաստատել է Գերմանիայի պատրաստակամությունը՝ անհրաժեշտ աջակցություն ցուցաբերել այս գործընթացին։
Անի Վարդանյան
.gif)
