Չինաստանի ժողովրդական ազատագրական բանակի (PLA) հրամանատարությունը հայտնել է, որ նրանց ցամաքային զորքերը չորեքշաբթի վարժանքներ են իրականացրել Արևելաչինական ծովի ջրերում՝ համաձայն «Strait Thunder-2025A» զորավարժությունների ուսումնական պլանների:
Զորավարժությունները ներառում են ճշգրիտ հարվածներ հիմնական նավահանգիստների և էներգետիկ օբյեկտների մոդելավորված թիրախներին: Ռազմական հրամանատարության խոսնակ, ավագ գնդապետ Շի Յին հայտնել է, որ նրանք հասել են ցանկալի արդյունքի:
«Զորավարժությունները ծառայում են որպես խիստ նախազգուշացում և զսպող ուժ «Թայվանի անկախություն» անջատողական ուժերի դեմ: Սրանք օրինական և անհրաժեշտ գործողություններ են Չինաստանի ինքնիշխանությունն ու ազգային միասնությունը պաշտպանելու համար»,- հավելել է Շին։
Անի Վարդանյան
.gif)
