Ֆրանսիայի կողմից Հայաստանին մահաբեր զենքերի մատակարարումը և հակաադրբեջանական դիրքորոշումները հակասում են տարածաշրջանային լարվածության վերաբերյալ նախարար Ժան-Նոել Բարոյի արտահայտած մտահոգությաններին։ Այս մասին X-ի իր էջում գրել է Ադրբեջանի ԱԳՆ խոսնակ Այխան Հաջիզադեն։
«Այս երկակիությունը բացահայտում է Ֆրանսիայի կեղծավորությունը: Թեև խաղաղության պայմանագրի նախագծի ավարտը կարևոր զարգացում է, սակայն խաղաղության համաձայնագրի ստորագրման համար պահանջվում է լուծել մի քանի հիմնական խնդիրներ, մասնավորապես Հայաստանի սահմանադրական տարածքային պահանջների և ապակայունացնող արտաքին միջամտությունների դադարեցումը, այդ թվում՝ Ֆրանսիայի կողմից:
Ավելին, մարդկության դեմ հանցագործության մեջ մեղադրվող անձանց դատական գործընթացներին խոչընդոտելը ոչ միայն միջամտում է ներքին գործերին, այլև խաթարում է պատասխանատվությունը նման հանցագործությունների համար»,- հայտնել է խոսնակը։
Անի Վարդանյան
.gif)
