Իրանի արտաքին գործերի նախարար Աբբաս Արաղչին չորեքշաբթի օրը Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսիի հետ հանդիպման ժամանակ ՄԱԳԱՏԷ-ին կոչ է արել չտրվել ճնշմանը, որը որոշ պետություններ փորձում են գործադրել։ Այս մասին ասված է Իրանի ԱԳՆ Telegram ալիքում հրապարակված հաղորդագրության մեջ։
Արաղչին գործակալությանը կոչ է արել կատարել իր պարտավորությունները՝ «առանց որոշ երկրների կողմից ավելորդ ճնշումների ենթարկվելու»։
Նախարարը վերահաստատել է «Իրանի վճռականությունը շարունակելու ներգրավվել և համագործակցել ՄԱԳԱՏԷ-ի հետ՝ իր միջազգային իրավական պարտավորությունների շրջանակներում»՝ կարգավորելու իրանական միջուկային ծրագրի շուրջ ստեղծված իրավիճակը։ Արտաքին գործերի նախարարության ղեկավարը Գրոսսիին տեղեկացրել է Թեհրանի և Վաշինգտոնի միջև բանակցությունների առաջընթացի մասին։
Ապրիլի 14-ին Իրանի փոխարտգործնախարար Քազեմ Ղարիբաբադին հայտարարեց, որ Գրոսսին Թեհրան կժամանի ապրիլի 16-ի երեկոյան, որտեղ կհանդիպի Արաղչիի և Իսլամական Հանրապետության ատոմային էներգիայի կազմակերպության ղեկավար Մոհամմադ Էսլամիի հետ։
.gif)
