ՏԵՍԱՆՅՈՒԹ․ Ահազանգ. «Գետամեջ ում սողանք է, ճանապարհը փակվում է, օգնեք մեզ»

ArmLur.am լրատվականին ահազանգում են Կոտայքի մարզի Գետամեջ գյուղի բնակիչներն այն մասին, որ գյուղի հիմնական ճանապարհը սողանքի պատճառով գրեթե ամբողջովին փակ է։

«Գյուղում դեռ աշնանից սողանք է նկատվում։ Ճանապարհը, մոտ 70-80 մետր լայնությամբ, համարյա թե ամբողջովին փակ է, մնացել է հազիվ մեկ մեքենայի անցնելու հատված։ Դա էլ վտանգավոր ենք համարում, չենք կարող ասել այդ հատվածը ամուր է, թե չէ»,- ասում է մեզ ահազանգած Գագիկ Ավանեսյնաը։

Մեզ ահազանգած բնակիչը նաև նշում է, որ ամեն անձրև գալուց հետո ճանապարհը փակվում էր 10-15 սմ-ով։

Արդյոք գյուղի բնակիչները, համայնքապետը դիմել են պատկան մարմիններին` Գագիկ Ավանեսյանն ասաց հետևյալը.

«Գյուղապետը դիմել էր, ասել են դիմեք Պտղնի տարածքի Փրկարար ծառայությանը։ Դիմել ենք, բայց դեռ սայլը տեղից չի շարժվել»,- ասաց մեր զրուցակիցը։

Պատրաստվո՞ւմ են դիմել Կոտայքի մարզպետարան` նա ասաց հետևյալը.
«Կոտայքի մարզպետին չենք դիմել։ Ձեզ ենք ահազանգում։ Դուք հա’մ գրեք, հա’մ էլ մարզպետի հետ խոսեք։ Մեզ օգնեք»,-եզրափակեց Գետամեջ գյուղի բնակիչ Գագիկ Ավանեսյանը։

Նանիկ Աղասյան

Մանրամասները՝ տեսանյութում․