ArmLur.am-ին Քննչական կոմիտեից հայտնեցին, որ ապրիլի 29-ին Նոր Նորք վարչական շրջանի ղեկավարի աշխատակազմի վարչական շենքում տեղի ունեցած դեպքի առթիվ նախաձեռնված քրեական վարույթի շրջանակներում հանրային քրեական հետապնդում է հարուցվել 2 անձի նկատմամբ՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով (խուլիագանությունը, որը կատարվել է մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով)։
Հավելենք, որ Քննչական կոմիտեից ArmLur.am-ին հայտնել էին, որ Նոր Նորք վարչական շրջանի ղեկավարի աշխատակազմում տեղի ունեցած դեպքի առթիվ նախաձեռնված քրեական վարույթի շրջանակներում հանրային քրեական հետապնդում է հարուցվել 4 անձի նկատմամբ՝ Քրեական օրենսգրքի 195-րդ հոդվածի 2-րդ 5-րդ կետով (մի խումբ անձանց կողմից ֆիզիկական ներգործությունը)։
Հիշեցնենք, որ Արթուր Չախոյանի փաստաբանը հայտնել էր, որ նրան հիվանդանոցում մեղադրանք առաջադրվեց խուլիգանություն կատարելու համար։
Ծեծկռտուքի հետևանքով միջադեպից հետո ձերբակալվել է վեց անձ։
.gif)
