Մեծ Բրիտանիայի նախկին վարչապետ Ուինսթոն Չերչիլի ծոռը՝ 10-ամյա Ալեքսանդր Չերչիլը, Լոնդոնի Վեսթմինսթերյան աբբայությունում կմասնակցի Երկրորդ համաշխարհային պատերազմում հաղթանակի 80-ամյակին նվիրված հիշատակի արարողությանը, գրում է Bild-ը։
Տղան խաղաղության մոմ կվառի, իսկ արարողության մյուս մասնակիցները եկեղեցում սպիտակ վարդեր կնվիրեն Երկրորդ համաշխարհային պատերազմի վետերաններին:
Աղբյուրը հիշեցնում է, որ 80 տարի առաջ Ուինսթոն Չերչիլը պատերազմում հաղթանակ տանելու մասին հայտարարել է Մեծ Բրիտանիայի Համայնքների պալատում:
«Սա ձեր հաղթանակն է, սա ձեր ժամանակն է, սա մեկ կուսակցության կամ մեկ դասի հաղթանակ չէ, սա ամբողջ բրիտանացի մեծ ժողովրդի հաղթանակն է», – ասել էր նա:
«Այդ օրվա և հանուն հաղթանակի զոհաբերված միլիոնավոր կյանքերի հիշատակն իր սրտում պահում է Չերչիլների տոհմի արդեն 5-րդ սերունդը», – եզրափակել է Bild-ը:
.gif)
