ԱՄՆ նախագահ Դոնալդ Թրամփը վերջերս Թուրքիայի նախագահ Ռեջեփ Թայիփ Էրդողանի հետ հեռախոսազրույցի ժամանակ խնդրել է նրան միջնորդի դեր ստանձնել Ուկրաինայի հակամարտության կարգավորման գործում։ Այս հայտարարությունը թուրքական Hürriyet թերթում հրապարակված սյունակում արել է դրա հեղինակ Աբդուլքադիր Սելվին՝ հղում անելով աղբյուրներին։
Էրդողանը, ինչպես նշում է լրագրողը, «դրական արձագանքեց միջնորդության այս առաջարկին»։
Սելվին հիշեցրել է, որ Էրդողանը մնում է այն առաջնորդներից մեկը, որը կարող է բանակցել և՛ Ռուսաստանի նախագահ Վլադիմիր Պուտինի, և՛ Վլադիմիր Զելենսկու հետ։
Թրամփի՝ Թուրքիա այցի հավանականության վերաբերյալ Սելվին ասել է, որ ամերիկացի նախագահը «առանձին կգա Թուրքիա», բայց «նախ կսպասի Էրդողանին Միացյալ Նահանգներում»։ Լրագրողը նշում է, որ Թուրքիայի նախագահի ուղևորությունը, հավանաբար, տեղի կունենա հունիսին։
.gif)
