ArmLur.am-ը ժամեր առաջ գրել էր, որ բացառիկ տեղեկությունների համաձայն՝ ՀՀ քաղաքաշինության, տեխնիկական և հրդեհային անվտանգության տեսչական մարմին է մտել Հակակոռուպցիոն կոմիտեն և կան ձերբակալվածներ։
Ձերբակալությունները, ըստ ArmLur.am-ի, տեղի են ունեցել կաշառքի գործի շրջանակներում։
Ըստ էության նախաքննական մարմինը մտել է 2 կառույցներ՝ Երևանի քաղաքապետարան և ՀՀ քաղաքաշինության, տեխնիկական և հրդեհային անվտանգության տեսչական մարմի։ Կոմիտեն հիմնավորումներ ունի, որ կառույցների պաշտոնյաները ներգրավված են կաշառքի գործի մեջ։
ArmLur.am-ի հարցին ի պատասխան Հակակոռուպցիոն կոմիտեի լրատվականից հաստատեցին ձերբակալության լուրը։
«Ի պատասխան` հայտնում ենք, որ Կաշառք ստանալու, տալու դեպքերի առթիվ նախաձեռնված վարույթի շրջանակում ձերբակալվել է երկու անձ, այդ թվում` ՀՀ քաղաքաշինության, տեխնիկական և հրդեհային անվտանգության տեսչական մարմնի Երևանի տարածքային ստորաբաժանման բաժանմունքի պետը»,- ասված է պատասխանում։
ՀԻշեցնենք, որ այսօր, որ Հակակոռուպցիոն կոմիտեի աշխատակիցները վաղ առավոտյան այցելել էին քաղաքապետարան և ArmLur.am-ի տեղեկություններով կան ձերբակալվածներ։
ArmLur.am-ին Հակակոռուպցիոն կոմիտեից հայտնել էին, որ տեղեղությունը ճիշտ է։
Քնար Մանուկյան
.gif)
