Ցանկություն չունեմ գործադիրում աշխատելու. Արագած Ախոյան

ԲՀԿ խմբակցության քարտուղար Նաիրա Զոհրաբյանն այսօր հայտարարել էր, որ կոալիցիոն կառավարություն մտնելու հարց ԲՀԿ օրակարգում չկա: Ինչ վերաբերում է այն հարցին, որ որոշ ԲՀԿ-ականներ այլ ձևաչափերով, հնարավոր է, ներգրավված լինեն կառավարությունում, ապա այստեղ ևս մեր տեսակետը հստակ է՝ նույն պահից այդ մարդիկ կդադարեն լինել ԲՀԿ անդամ, կհեռացվեն կուսակցութունից»,- հայտարարել էր Նաիրա Զոհրաբյանը:

ԲՀԿ պատգամավոր Արագած Ախոյանից armlur.am-ը հետաքրքրվեց` արդյոք շատ են ԲՀԿ անդամները, որոնք ցանկանում են լինել  իշխանության  մաս: «Ես նման տեղեկատվություն չունեմ»,- ասաց   նա:

-Իսկ արդյոք Դուք  անձամբ ցանկություն ունե՞ք  իշխանության կազմում ընդգրկվելու, որևէ պաշտոն զբաղեցնելու:

-Ես նման ցանկություն չունեմ.  ցանկություն չունեմ գործադիր մարմնում աշխատելու ու նման սպասելիք էլ չունեմ: Ես ինձ իմ տեղում լավ եմ զգում:

-Իսկ եթե լինեն այնպիսի ԲՀԿ-ականներ, որոնք  ցանկանան լինել  կառավարությունում, ինչպե՞ս է վարվելու ԲՀԿ-ն նրանց հետ: Հասկանանք` ի՞նչ է նշանակում կարժանանան ամենակոշտ գնահատականի:

-Գիտեք, դե եթե դեմ գնան որոշմանը,  կարժանանան կոշտ գնահատականի, իսկ ընդհանրապես եկեք «եթե»-ներով  չխոսենք: Եթե կլինի, նոր կխոսենք:

Սոնա Դավթյան