Քիմիական զենքի մեկ երրորդն արդեն դուրս է բերվել Սիրիայից

Սիրիայից դուրս է բերվել քիմիական զենքի պաշարների մեկ երրորդը, և շատ կարևոր է, որպեսզի գործընթացը հնարավորինս շուտ ավարտվի:

ИТАР-ТАСС-ի փոխանցմամբ՝ այս մասին հայտարարել է Քիմիական զենքի արգելման կազմակերպության գլխավոր տնօրեն Ահմեդ Ուզյումջյուն:

Կազմնակերպության տվյալների համաձայն, սիրիական կառավարությունը ավարտել է քիմիկատների հերթական` 13-րդ խմբաքանակի տեղափոխումը, որը երկուշաբթի օրը բարձվել է բեռնատար նավի վրա և դուրս բերվել երկրի սահմաններից:

Նախորդ խմբաքանակը դուրս էր բերվել ապրիլի 10-ին:

Ողջ քիմիական զենքը Սիրիայից պետք է դուրս բերվի մինչև ապրիլի վերջ:

Դրա ոչնչացմամբ կզբաղվեն Մեծ Բրիտանիան, Գերմանիան, ԱՄՆ-ն և Ֆինլանդիան: