Թուրքիայի նախագահ Ռեջեփ Թայիփ Էրդողանը Սիրիայի անցումային նախագահ Ահմեդ ալ-Շարաայի հետ քննարկել է Սիրիայի Արաբական Հանրապետության դեմ պատժամիջոցների վերացման հարցը, ով անսպասելի այցով ժամանել է Ստամբուլ։ Էրդողանը խոսել է սիրիական բանակի կենտրոնացված վերահսկողության կարևորության մասին, հաղորդում է Թուրքիայի առաջնորդի վարչակազմը։
Շաբաթ օրը Ստամբուլում կայացած հանդիպման ժամանակ առաջնորդները քննարկել են Անկարայի և Դամասկոսի միջև երկկողմ հարաբերությունները, ինչպես նաև մի շարք համաշխարհային և տարածաշրջանային հարցեր։
Էրդողանը հայտարարել է, որ Անկարան կշարունակի աջակցել Սիրիային և կարծում է, որ երկրի համար «ավելի պայծառ և հանգիստ» ժամանակներ են սպասվում։
«Նախագահ Էրդողանը հայտնել է Թուրքիայի գոհունակությունը Սիրիայի դեմ ԱՄՆ-ի և ԵՄ-ի պատժամիջոցների վերացման, Անկարայի կողմից Սիրիայի տարածքային ամբողջականության աջակցության վերաբերյալ, ինչպես նաև ընդգծել է սիրիական բանակի կենտրոնացված վերահսկողության կարևորությունը», – հայտնել է Թուրքիայի նախագահի աշխատակազմը։
.gif)
