Եվրոպան ցանկանում է ամերիկյան զենք գնել՝ Ուկրաինա ուղարկելու համար

Եվրոպական երկրները հետաքրքրված են մեծ քանակությամբ ամերիկյան զենք գնելով՝ Ուկրաինային ռազմական օգնությունը շարունակելու համար, եթե ԱՄՆ նախագահ Դոնալդ Թրամփի վարչակազմը հրաժարվի դա ուղղակիորեն անել։ Այս մասին հաղորդում է Bloomberg-ը՝ հղում անելով իր աղբյուրներին։

Եվրոպան չունի անհրաժեշտ զինանոցներ կամ բավարար զենք արտադրելու կարողություն՝ Կիևին ինքնուրույն մատակարարումները շարունակելու համար՝ առանց ԱՄՆ մասնակցության։ Եվրոպական երկրները հնարավոր լուծում են տեսնում ավելի շատ ամերիկյան զենքի համակարգեր գնելու և այնուհետև դրանք Ուկրաինա ուղարկելու մեջ։

Մասնագետները գնահատում են, որ ԱՄՆ նախկին նախագահ Ջո Բայդենի կողմից հաստատված ռազմական օգնությունը կարող է սպառվել արդեն այս ամռանը։ Հրատարակությունը նշում է, որ Արևմուտքի համար դժվար կլինի լրացնել դրանից առաջացող դատարկությունը։

Ավելի վաղ Վլադիմիր Զելենսկիի գրասենյակի ղեկավարի խորհրդական Միխայիլ Պոդոլյակը ֆրանսիական Le Point ամսագրին տված հարցազրույցում հայտարարել էր, որ Կիևը վախենում է Միացյալ Նահանգների կողմից ռազմական օգնության դադարեցումից։