Չինաստանի արտաքին գործերի նախարարությունը վստահեցրել է, որ Պեկինը զենք չի մատակարարում ուկրաինական հակամարտության կողմերից ոչ մեկին և վերահսկում է երկակի նշանակության ապրանքների մատակարարումը, երեքշաբթի օրը հաղորդել է Global Times-ը։
«Չինաստանը երբեք մահացու զենք չի փոխանցել հակամարտության կողմերից որևէ մեկին և խստորեն վերահսկում է երկակի նշանակության ապրանքները։ Ուկրաինական կողմը լավ գիտակցում է դա։ Չինաստանը վճռականորեն դեմ է անհիմն մեղադրանքներին և քաղաքական մանիպուլյացիաներին», – հրատարակությունը մեջբերում է Չինաստանի արտաքին գործերի նախարարության խոսնակ Մաո Նինգի խոսքերը։
Նա ընդգծել է, որ Չինաստանի դիրքորոշումը ուկրաինական ճգնաժամի վերաբերյալ չի փոխվել, և երկիրը շարունակում է պաշտպանել ռազմական գործողությունների դադարեցումը և հրադադարը։
«Գլոբալ Թայմսը» բացատրում է, որ Մաո Նինգը այսպես է պատասխանել ուկրաինական կողմի այն պնդումները մեկնաբանելու խնդրանքին, որ Չինաստանը մի շարք կարևոր ապրանքներ է մատակարարում ռուսական ռազմական գործարաններին։
.gif)
