Մայիսի 28-ին Ադրբեջանի կողմից օկուպացված Արցախում տեղի է ունեցել Լաչինի միջազգային օդանավակայանի բացման արարողությունը, հաղորդում են ադրբեջանական լրատվամիջոցները։ Բացման արարողությանը մասնակցել են Ադրբեջանի Հանրապետության նախագահ Իլհամ Ալիևը և Թուրքիայի Հանրապետության նախագահ Ռեջեփ Թայիփ Էրդողանը։ Ադրբեջանի և Թուրքիայի նախագահները միասին կտրել են օդանավակայանի բացման ժապավենը։ Լաչինի միջազգային օդանավակայանի բանալիները հանձնվել են պետությունների ղեկավարներին։ Ալիևը և Էրդողանը շրջել են տարածքում և ծանոթացել օդանավակայանի կառուցվածքին:





























