Էրդողանը «միակ» առաջնորդն է, ում վստահում են և՛ Ռուսաստանը, և՛ Ուկրաինան. Հաքան Ֆիդան

Թուրքիայի արտգործնախարար Հաքան Ֆիդանը երեքշաբթի հայտարարել է, որ սպասվում են Ռուսաստանի և Ուկրաինայի միջև բանակցությունների նոր փուլ, քանի որ երկու կողմերն էլ ընդունում են երկխոսության կարևորությունը:

TRT News-ին տված հարցազրույցում Ֆիդանը շեշտել է, որ պատերազմը, որն շարունակվում է արդեն չորս տարի, այլևս երկու երկրների միջև չէ, այլ միջազգային ներգրավվածության պատճառով վերածվել է գլոբալ հակամարտության:

Նա նշել է, որ զինադադարի թափը մեծացել է Թրամփի վարչակազմի օրոք և հիշեցրել է Մոսկվա և Կիև իր կատարած բարձր մակարդակի այցերի մասին:

Ֆիդանը հավելել է, որ հունիսի 2-ի հանդիպումն անցել է դրական մթնոլորտում, որի արդյունքում ձեռք է բերվել ավելի քան 1000 մարդու ներգրավմամբ նոր գերիների փոխանակման պայմանավորվածություն:

Երկու կողմերն էլ ներկայացրել են զինադադարի պայմանները նկարագրող փաստաթղթեր և կարծիքներ են փոխանակել առաջնորդների հնարավոր գագաթնաժողովի վերաբերյալ: Նա նշել է, որ կողմերը համաձայնել են նաև բանակցությունների հաջորդ փուլի անհրաժեշտության շուրջ:

Ֆիդանը նշել է, որ Թուրքիայի նախագահ Ռեջեփ Թայիփ Էրդողանը պատրաստ է հյուրընկալել առաջնորդների հնարավոր հանդիպումը՝ ընդգծելով, որ Էրդողանը «միակ» առաջնորդն է, ում վստահում են բոլոր երեք կողմերը:

Նա նշել է, որ նախկին նախագահ Ջո Բայդենի օրոք Ուկրաինային ցուցաբերվող ԱՄՆ-ի օգնությունը շարունակվում է, բայց ակնկալվում է, որ կավարտվի մի քանի ամսից, որից հետո ԱՄՆ նախագահ Դոնալդ Թրամփի որոշումները կարող են փոխել հակամարտության դինամիկան:

Անի Վարդանյան