Այսօր Պռոշյան համայնքի բնակիչները Կառավարության շենքի մոտ հանդես են գալու հայտարարությամբ: Պռոշյան համայնքի բնակիչ Սերգո Մուրադյանը ArmLur.am լրատվականի հետ զրույցում նշեց հետևյալը.
«Այսօր ցույց չի լինելու, այլ ես և համայնքից ևս մեկ հոգի հանդես ենք գալու հայտարարությամբ և կոչով ու հորդորով դիմելու ենք Կառավարությանն ու «Մուլտի տրանս» ընկերությանը, քանի որ գյուղում ներքին խոսակցություններ կան, որ «Մուլտի տրանս»-ը ահաբեկում է մարդկանց, վախեցնում է 25 համարի տրանսպորտի վարորդներին՝ ասելով «հեռացեք, վերցրեք ձեր տեխնիկաներն ու գնացեք»:
Բոլորս էլ գիտենք, որ, եթե կա ներքին խոսակցություն, ապա խոսակցության մեջ կա նաև իրականություն»:
ArmLur.am-ի զրուցակիցը նշում է՝ կոչ են անելու ՀՀ Կառավարությանը, որ այս հարցին հետևողական լինեն: Ինչ վերաբերում է քասախցիներին, որ այսօր պետք է հավաք կազմակերպեին, մեր զրուցակցի տեղեկություններով, տեղի չի ունենալու, քանի որ «Մուլտիտրանս»-ը խոստումներ է տվել:«Քասախցիներին հայտնել էին, թե մեր՝ պռոշյանցիներիս խնդիրը լուծվել է:
Որոշեցին բողոքի ակցիա իրականացնել, սակայն այսօր տեղեկացա, որ գյուղում են հավաքվել՝ քննարկելու ինչ են անելու, բայց բողոքի ակցիա չեն անելու: Ներքին խոսակցությունների համաձայն՝ «Մուլտիտրանս»-ը խոստացել է քասախցիներին անվճար նրանց իջեցնել Շոշի տակ ու այնտեղից էլ ուղևորներին բարձրացնել Քասախ, որը մինչ այդ ոտքով պիտի գնային:
Կանեն իրենց խոստումը, չեն անի՝ ես չեմ կարող ասել»,- եզրափակեց Սերգո Մուրադյանը:
Նանիկ Աղասյան
.gif)
