Ռուսաստանի Դոմոդեդովո և Ժուկովսկի օդանավակայաններում սահմանափակումներ են մտցվել չվերթների ընդունման և մեկնման համար։ Այս մասին հայտնել է Ռոսավիացիայի ներկայացուցիչ Արտյոմ Կորենյակոն։
«Քաղաքացիական օդանավերի թռիչքների անվտանգությունն ապահովելու նպատակով Դոմոդեդովո և Ժուկովսկի օդանավակայաններում ժամանակավոր սահմանափակումներ են մտցվել դրանց ընդունման և մեկնման համար»,- ասված է հաղորդագրության մեջ։
40 րոպե անց սահմանափակումներ են մտցվել նաև Վնուկովո օդանավակայանում։
Մոսկվայի ժամանակով 5:17-ին Կորենյակոն հայտնել է Դոմոդեդովոյում, Ժուկովսկիում և Վնուկովոյում սահմանափակումների վերացման մասին։
Չվերթների ընդունման և մեկնման սահմանափակումներ են մտցվել նաև Կալուգայի և Սարատովի օդանավակայաններում։
Նույն գիշեր Մոսկվայի քաղաքապետ Սերգեյ Սոբյանինը հայտնել էր մայրաքաղաք ուղղություն վերցրած ինը անօդաչու թռչող սարքերի ոչնչացման մասին ՀՕՊ ուժերի կողմից։
Անի Վարդանյան
.gif)
