Իլոն Մասկը հայտարարել է, որ «չափազանց հեռուն է գնացել» Թրամփին սոցցանցերում քննադատելիս

Իլոն Մասկը ներողություն է խնդրել Թրամփի մասին գրառումների համար:

Իլոն Մասկը չորեքշաբթի օրը հայտարարել է, որ զղջում է նախագահ Դոնալդ Թրամփի մասին վերջերս կատարած սոցիալական մեդիայի գրառումների համար:

«Ես զղջում եմ անցյալ շաբաթ Դոնալդ Թրամփի մասին իմ որոշ գրառումների համար: Դրանք չափից դուրս էին», – գրել է Մասկը X-ում:

Մասկի և Թրամփի հարաբերությունները կտրուկ վատթարացան անցյալ շաբաթ, երբ երկու գործիչները հրապարակայնորեն փոխհարձակումներ սկսեցին սոցիալական մեդիայում:

Tesla-ի բաժնետոմսերը Ֆրանկֆուրտի բորսայում աճել են Մասկի ներողության գրառումից հետո՝ հասնելով 2.5% աճի:

Մասկի հայրը՝ Էռոլ Մասկը, ռուսական «Իզվեստիա» թերթին տված հարցազրույցում նշել է, որ իր որդին «սխալ է թույլ տվել»՝ նախագահի հետ վեճի մեջ մտնելով:

Անի Վարդանյան