Մեսսին, Սուարեսը, Բուսկետսը և Ալբան կմասնակցեն Աշխարհի ակումբային առաջնությանը

Ամերիկյան «Ինտեր Մայամին» հրապարակել է թիմի հայտացուցակն աշխարհի ակումբային առաջնության համար, հայտնում է ակումբի մամուլի ծառայությունը:

Հայտացուցակում ընդգրկված են Լիոնել Մեսսին, Լուիս Սուարեսը, Սերխիո Բուսկետսը, Ժորդի Ալբան և մի շարք այլ ֆուտբոլիստներ:

«Ինտեր Մայամին» ընդգրկված է A խմբում և կմրցի բրազիլական «Պալմեյրասի», պորտուգալական «Պորտուի» և եգիպտական «Ալ Ահլիի» հետ: