ԲԱՑԱՌԻԿ ՏԵՍԱՆՅՈՒԹ․ Սևանի գազալցակայանում մեքենա է պայթել

Գեղարքունիքի մարզում՝ Սևանում «Mitsubishi» մակնիշի ավտոմեքենան գազալցակայանում լիցքավորելիս պայթել է. 1 ամիս առաջ նույն գազալցակայանում դարձյալ պայթյուն էր եղել։

Shamshyan.com-ը ինչպես ավելի վաղ դեպքի վայրից հայտնել էր, ապրիլի 29-ին պայթյուն էր տեղի ունեցել Գեղարքունիքի մարզում: Ժամը 09:30-ի սահմաններում ՀՀ ներքին գործերի նախարարության ոստիկանության պարեկային ծառայության Գեղարքունիքի մարզի գումարտակում օպերատիվ տեղեկություններ էին ստացվել, որ Սևան-Երևան ավտոճանապարհի 3-րդ կմ հատվածում գործող գազալցակայանում պայթյուն է տեղի ունեցել: