ՈւՂԻՂ. 45 հարց կառավարության օրակարգում` զեկուցելու են 3-ը

ՀՀ վարչապետ Նիկոլ Փաշինյանի գլխավորած կառավարությունն այսօր՝ հունիսի 20-ին, անցկացնում  է իր հերթական նիստը: Նիստի օրակարգում ընդգրկված է 45 հարց, որից չի զեկուցվում 42-ը:

Օրակարգում են, մասնավորապես, հետևյալ հարցերը.

• Հայաստանի Հանրապետության տարածքից սիգի ձկնկիթի արտահանման ժամանակավոր արգելք սահմանելու մասին,
• «Անկախ Պետությունների Համագործակցության մասնակից պետությունների՝ դատափորձագիտական գործունեության ոլորտում համակարգող խորհուրդ կազմավորելու մասին» համաձայնագիրը հաստատելու մասին» Հայաստանի Հանրապետության նախագահի հրամանագրի նախագծի մասին,
• «Քաղաքացիական նավաշինության և նավերի լրակազմող սարքավորումների արտադրության զարգացման ոլորտում ԱՊՀ մասնակից պետությունների համագործակցության մասին» համաձայնագիրը հաստատելու մասին» Հայաստանի Հանրապետության նախագահի հրամանագրի նախագծի մասին,
• Անապահովության գնահատման համակարգով անապահով ճանաչված ընտանիքների աշխատունակ անձանց վարձատրվող հասարակական աշխատանքի դիմաց աջակցության տրամադրման ծրագիրը հաստատելու մասին,
• «Արևային էներգետիկայի զարգացման» փակ բաժնետիրական ընկերություն հիմնադրելու մասին,
• Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցի նոր մարզաբազայի կառուցման աշխատանքների և հարակից ծառայությունների գնման պահանջն անհետաձգելի համարելու և այդ նպատակով գնման գործընթացը «Հրատապ մեկ անձից» գնման ընթացակարգով կազմակերպելու առաջարկին համաձայնություն տալու մասին և այլ հարցեր։