Իրանի բանակի գլխավոր հրամանատար, գեներալ-մայոր Ամիր Հաթամին զգուշացրել է ԱՄՆ-ին, որ վերջինս վճռական պատասխան կստանա Իրանի միջուկային օբյեկտների վրա վերջերս իրականացրած հարվածների համար:
Երկուշաբթի օրը բանակի բարձրաստիճան հրամանատարների հետ տեսակոնֆերանսի ժամանակ գեներալ-մայոր Հաթամին նշել է, որ ԱՄՆ-ի կառավարությունը 1979 թվականի Իսլամական հեղափոխության հաղթանակից ի վեր հանցագործություններ է իրականացնում Իրանի դեմ:
«ԱՄՆ-ը ամեն անգամ վճռական պատասխան է ստացել Իրանի դեմ հանցագործություններ կատարելու համար», – ասել է նա՝ խոստանալով, որ կրկին խիստ պատասխան կտրվի վերջին հարվածներին:
Հրամանատարը նշել է, որ Իրանի զինված ուժերի հաջող գործողությունները իսրայելական ռեժիմի դեմ հիասթափեցրել են թշնամուն և ստիպել սիոնիստներին (Իսրայելին) օգնություն խնդրել ԱՄՆ-ից՝ հանցագործությունների հիմնական պատասխանատուից, և ներգրավել նրան Իրանի հետ բախումներում:
Իրանի պաշտոնյաները հայտարարել են, որ Թեհրանը իրավունք է վերապահում դիմել սեփական տարբերակներին՝ ԱՄՆ-ի հարվածներին պատասխանելու համար:
Անի Վարդանյան
.gif)
