Միացյալ Նահանգները Մերձավոր Արևելքի պաշտոնյաներին խնդրել է Իրանին փոխանցել, որ Իսրայելը ձգտում է շուտափույթ դադարեցնել հակամարտությունը, հայտնում է The Wall Street Journal-ը (WSJ)՝ հղում անելով աղբյուրներին:
Պարբերականի տվյալներով՝ Իսրայելը շարունակում է հարվածներ հասցնել Իրանի թիրախներին, սակայն ձգտում է դադարեցնել պատերազմը։ Թեհրանը, գրում է թերթը, կանգնած է «վտանգավոր ընտրության» առաջ՝ կա՛մ հակահարված տալ ԱՄՆ-ին՝ նպաստելով պատերազմի ընդլայնմանը, կա՛մ վերադառնալ միջուկային բանակցություններին՝ հնարավոր զիջումներով։
Իսրայելի իշխանություններն ակնկալում են, որ Իրանը կհամաձայնի բանակցություններին և կդադարեցնի ուրանի հարստացումը։ Միաժամանակ, Թել Ավիվը պատրաստ է կրկին հարվածներ հասցնել, եթե Թեհրանը շարունակի աշխատել իր միջուկային ծրագրի վրա, պնդում է թերթը։
.gif)
