«Հանրապետություն» կուսակցության ավագանու անդամ Արտակ Զեյնալյանի մանդատը տրվեց կուսակցության ընտրական ցուցակի հերթական հաջորդ թեկնածու Լինա Ղշյանին։ Համապատասխան որոշումն ընդունվեց Երևանի ավագանու այսօրվա նիստին:
Հիշեցնենք, որ ArmLur.am-ը գրել էր, որ հունիսի 12-ին, «Հանրապետություն» կուսակցության առաջնորդ Արտակ Զեյնալյանը վայր դրեց Երևանի ավագանու անդամի մանդատը՝ Սահմանադրական դատարանի դատավորի պաշտոնում նշանակվելու կապակցությամբ։
Նա ՍԴ դատավորի պաշտոնը ստանձնեց հենց նույն օրը Ազգային ժողովի կողմից ընտրվելուց հետո։
ArmLur.am-ը Կենտրոնական ընտրական հանձնաժողովի կայքից տեղեկացավ, որ Զեյնալյանի մանդատը Երևանի ավագանու կազմում կփոխարինի ցուցակի հերթական հաջորդ թեկնածու՝ Լինա Ղշյանը։
Այս տեղեկությունը ArmLur.am-ի հետ զրույցում հաստատեց Երևանի քաղաքապետարանի «Հանրապետություն» կուսակցության ավագանու անդամ Հայկ Սահակյանը։
Հիշեցնենք, որ Արտակ Զեյնալյանը Երևանի ավագանու 2023 թվականի ընտրություններին մասնակցել էր «Հանրապետություն» կուսակցության առաջին համարով։
Էմմա Միքայելյան
.gif)
