2025 թվականի հունիսի 13-ին Իրանի և Իսրայելի միջև տարիներ շարունակ կուտակվող լարվածությունը վերածվեց բաց ռազմական բախման։ Պատերազմը սկիզբ առավ այն բանից հետո, երբ Իսրայելը ապրիլին ավիահարվածով թիրախավորեց Իրանի հյուպատոսարանը Դամասկոսում՝ սպանելով Իրանի բարձրաստիճան զինվորականների։
Իրանը պատասխանեց առաջին անգամ իր տարածքից ուղիղ հրթիռներով և ԱԹՍ-ներով հարվածելով Իսրայելին։ Դա շրջադարձային պահ էր, որը խորհրդանշեց ստվերային պատերազմի վերածումը բաց հակամարտության։
Հաջորդ շաբաթներին երկու կողմերն էլ փոխադարձ հարվածներ իրականացրին՝ Իսրայելը հիմնականում թիրախավորեց իրանամետ դիրքերը Սիրիայում և Իրաքում, մինչդեռ Իրանը ակտիվացրեց նաև Հութիների ու Հեզբոլլահի միջոցով ճնշումը։
Ամերիկայի նախկին նախագահ Դոնալդ Թրամփը հանդես եկավ նախաձեռնությամբ՝ հայտարարելով, որ իր միջնորդությամբ կողմերը համաձայնվել են զինադադարի շուրջ։ Նա սոցիալական ցանցում կոչ արեց Իսրայելին՝ «դադարեցնել ռմբակոծությունները և վերադարձնել օդաչուներին տուն»։ Թրամփի պնդմամբ՝ զինադադարը ուժի մեջ կմտնի և կտևի առնվազն 12 ժամ՝ նպատակ ունենալով վերջ տալ «անիմաստ արյունահեղությանը»։
Սակայն հակամարտող կողմերը շարունակեցին միմյանց մեղադրել պայմանավորվածությունները խախտելու մեջ։ Հրադադարը սկսեց խախտվել արդեն նույն օրը՝ ինչը կասկածի տակ դրեց դրա կենսունակությունը։ Չնայած Թրամփի ակտիվությանը, պատերազմը լիարժեքորեն կանգ չի առել, և Մերձավոր Արևելքի ապակայունությունն ընդլայնվում է։
Անահիտ Պետրոսյան
.gif)
