ԱՄՆ-ը խախտել է միջազգային իրավունքի հիմնարար սկզբունքները

ՄԱԿ-ում Իրանի մշտական ներկայացուցիչ Իրանի ՄԱԿ-ի մշտական ներկայացուցիչ Ամիր-Սաեիդ Իրավանին հունիսի 25-ին նամակ է հղել ՄԱԿ-ին՝ մերժելով ԱՄՆ-ի կողմից հունիսի 24-ի Անվտանգության խորհրդի նիստում հնչեցված պնդումները:

Հիշեցնեք, որ ԱՄՆ-ը հղում էր կատարել ՄԱԿ-ի կանոնադրության 51-րդ հոդվածին՝ արդարացնելով հունիսի 21-ին Իրանի միջուկային օբյեկտների վրա հարձակումները որպես ինքնապաշտպանության գործողություն:

Իրանը այս բացատրությունը որակել է որպես «միջազգային իրավունքի և ՄԱԿ-ի կանոնադրության կոպիտ խեղաթյուրում»՝ նշելով, որ հարձակումը խախտել է իր ինքնիշխանությունը և միջուկային էներգիայի խաղաղ օգտագործման սկզբունքները: «Իրանի միջուկային օբյեկտները գտնվում են ԱԷՄԳ-ի լիակատար վերահսկողության ներքո և բազմիցս հաստատվել է դրանց խաղաղ բնույթը», – նշված է նամակում:

Փաստաթղթում հղում է արվում ՄԱԿ-ի Գլխավոր ասամբլեայի 3314 բանաձևին և Միջազգային դատարանի որոշումներին՝ պնդելով, որ կանխարգելիչ ուժի կիրառումը չի կարող համարվել օրինական ինքնապաշտպանություն:

Իրանը կոչ է արել Անվտանգության խորհրդի անդամներին մերժել «կանխարգելիչ ինքնապաշտպանության» դոկտրինը և դատապարտել ԱՄՆ-ին ու Իսրայելին՝ ՄԱԿ-ի կանոնադրության և միջազգային վարքագծի նորմերի խախտման համար:

Իրանը նաև խնդրել է ՄԱԿ-ի գլխավոր քարտուղարին զեկույց ներկայացնել 487 բանաձևի իրականացման վերաբերյալ, հատկապես ԱԷՄԳ-ի վերահսկողության ներքո գտնվող խաղաղ միջուկային օբյեկտների թիրախավորման։

Անի Վարդանյան