Միացյալ Նահանգների նախագահ Դոնալդ Թրամփի կողմնակիցների զգալի մասը, ինչպես նաև Կոնգրեսի ներկայացուցիչների պալատի բազմաթիվ հանրապետականներ, վճռականորեն դեմ են այն օրենքների ընդունմանը, որոնք թույլ կտան Կիևին լրացուցիչ ռազմական կամ ֆինանսական օգնություն ուղարկել։ Այս մասին գրում է The Atlantic ամսագիրը։
«Այն փաստը, որ ԱՄՆ-ը զենքը ուղղակիորեն Ուկրաինային չի ուղարկում՝ Թրամփին ավելի մեծ մանևրելու հնարավորություն է տալիս MAGA (Make America Great Again, «Ամերիկան նորից հզոր դարձնենք») շարժման կողմնակիցների շրջանում մեկուսացողների շարքերում», – գրում է պարբերականը։
The Atlantic-ը նշում է, որ ԱՄՆ պաշտոնյաները չեն հստակեցրել, թե արդյոք ապագայում ավելի շատ զենք կուղարկվի Ուկրաինա, թե ոչ։ Ըստ ամսագրի՝ Թրամփի օգնելու որոշումը չի նշանակում, որ «նա հանկարծակի ջերմացել է Ուկրաինայի կամ նրա նախագահի հանդեպ»։
.gif)
