ՏԵՍԱՆՅՈՒԹ․ Երևանի քաղաքապետարանի ծեծի գործով վաղը Քննչականում առերեսում է սպասվում․ ում են կանչել

Շուրջ երկու տարի տևած քննությունից հետո ՀՀ քննչական կոմիտե են հրավիրվել «Մայր Հայաստան» խմբակցության անդամ Սոնա Աղեկյանին՝ Երևանի ավագանու «Հանրապետություն» խմբակցության ղեկավարի հետ առերեսման:

Հիշեցնենք, որ 2023 թվականին Երեւանի քաղաքապետարանի աղմկահարույց միջադեպ էր եղել , որ ՀՀ ոստիկանությունից հաղորդում էր ստացվել այն մասին, որ 2023 թվականի նոյեմբերի 21-ին՝ Երեւանի ավագանու հերթական նիստի ժամանակ՝ ավագանու մի քանի անդամների միջեւ առաջացած տարաձայնության ընթացքում, փոխադարձ հարվածներ են հասցվել, որի ընթացքում, հասարակության նկատմամբ դրսեւորելով անհարգալից վերաբերմունք, հնչել են հայհոյանքներ՝ այդկերպ խախտելով քաղաքապետարանի բնականոն աշխատանքը:

Դեպքի առթիվ ՀՀ քննչական կոմիտեի ԵՔՔՎ Կենտրոն եւ Նորք-Մարաշ վարչական շրջանների քննչական երրորդ բաժնում նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի 2-րդ մասի 1-ին կետի (մի խումբ անձանց կողմից խուլիգանություն կատարելը) եւ 195-րդ հոդվածի 2-րդ մասի 5-րդ կետի (մի խումբ անձանց կողմից հարվածներ հասցնելը կամ բռնի այլ գործողություններ կատարելը) հատկանիշներով։

Քննչական կոմիտեն Երևանի քաղաքապետարանի միջադեպի քրեական գործով ուսումնասիրում է լրատվամիջոցների կողմից հրապարակված տեսանյութերը, որից հետո երկու անգամ հարցաքննության էր հրավիրել Երևանի ավագանու «Մայր Հայաստան» խմբակցության անդամ Սոնա Աղեկյանին և վերջ: ՈՒ հիմա 2 տարի անց առերեսում են կազմակերպել, տեսնենք, թե ինչ կսպասվի առերեսումից հետո:

Հիշեցնենք՝ ՀՀ ոստիկանությունից հաղորդում էր ստացվել այն մասին, որ 2023 թվականի նոյեմբերի 21-ին՝ Երեւանի ավագանու հերթական նիստի ժամանակ՝ ավագանու մի քանի անդամների միջեւ առաջացած տարաձայնության ընթացքում, փոխադարձ հարվածներ են հասցվել, որի ընթացքում, հասարակության նկատմամբ դրսեւորելով անհարգալից վերաբերմունք, հնչել են հայհոյանքներ՝ այդկերպ խախտելով քաղաքապետարանի բնականոն աշխատանքը:

Քնար Մանուկյան

Մանրամասները՝ տեսանյութում․

ԿԱՐԴԱՑԵՔ ՆԱԵՎ

Նման նյութեր