ԱՄՆ նախագահ Դոնալդ Թրամփը գոհ չէ CocaCola-ից և ինչ-որ բան է ցանկանում անել դրա հետ։
ԱՄՆ նախագահն ասում է, որ համոզել է ընկերությանը փոխել իրենց հայտնի ըմպելիքի բաղադրատոմսը։ Թրամփը ասում է, որ ղեկավարները համաձայնվել են ԱՄՆ-ում օգտագործել շաքարեղեգի շաքար եգիպտացորենի օշարակի փոխարեն։
«Ես խոսել եմ Coca-Cola-ի հետ՝ Ամերիկայում իրական շաքարեղեգի շաքար օգտագործելու վերաբերյալ, և նրանք համաձայնել են։ Ցանկանում եմ շնորհակալություն հայտնել Coca-Cola-ի ղեկավարներին։ Սա շատ լավ քայլ կլինի նրանց կողմից-կտեսնեք։ Պարզապես ավելի լավն է»,-գրել է Դոնալդ Թրամփը։
Նախագահի նվիրվածությունն Diet Coke-ին վաղուց է հայտնի, այդ թվում՝ նրա «Diet Coke կոճակը», որը փոքրիկ փայտե տուփ էր՝ փոքրի կոճակով, տեղադրված իր աշխատասենյակի սեղանի․ դրա վրա սեղմելով՝ սպասավորը բերում էր նրա սիրելի ըմպելիքը։
Սակայն Թրամփը նաև հակասություններ է ունեցել ընկերության հետ՝ հատկապես 2021-ին, երբ Coca-Cola-ն քննադատեց Ջորջիա նահանգի՝ քվեարկության հասանելիությունը սահմանափակող օրենքները։ Այնուամենայնիվ, Թրամփի սեփականությունները շարունակում էին վաճառել այդ ապրանքանիշի ըմպելիքները։
Ավելի վաղ՝ 2012-ին, երբ Թրամփը դեռ բիզնեսմեն էր, գրել էր, որ ընկերությունը «դուր չի գալիս ինձ», սակայն նաև հավելել էր․ «Ոչինչ, ես միևնույնն է շարունակելու եմ խմել այդ աղբը»։
Անահիտ Պետրոսյան
Մանրամասները՝ տեսանյութում․
.gif)
