«Բարսելոնայի» իսպանացի հարձակվող Պաու Վիկտորը շատ մոտ է ակումբից հեռանալուն։ Այս մասին հայտնում է Armsport.am-ը՝ հղում անելով լրագրող Թոնի Խուանմարտին։
Աղբյուրի տեղեկություններով՝ Մարկուս Ռեշֆորդի հետ պայմանագիր կնքելուց հետո «կապտանռնագույնները» չեն նախատեսում շարունակել համագործակցությունը 23-ամյա ֆուտբոլիստի հետ։
Անգլիացի հարձակվողը կարողանում է հանդես գալ հարձակման թե՛ եզրում, թե՛ կենտրոնում, ուստի Վիկտորը, ամենայն հավանականությամբ, չի կարողանա հավակնել նույնիսկ ռոտացիոն խաղացողի կարգավիճակի։
«Բարսելոնան» ավարտին է հասցնում Ռեշֆորդի վարձակալության գործարքը «Մանչեսթեր Յունայթեդից», և տրանսֆերը պաշտոնապես կհաստատվի առաջիկա օրերին։ Պաու Վիկտորի նկատմամբ հետաքրքրություն են ցուցաբերում «Բետիսը» և «Սևիլյան»։
.gif)
