Մերցը անտեղի է համարում ԵՄ-ի կողմից ԱՄՆ մաքսատուրքերի դեմ պատասխան միջոցների ձեռնարկումը

Գերմանիայի կանցլեր Ֆրիդրիխ Մերցը կարծում է, որ ԱՄՆ մաքսատուրքերի դեմ Եվրամիության (ԵՄ) կողմից ձեռնարկված պատասխան միջոցառումները այս փուլում նպատակահարմար չեն ԵՄ-ի և ԱՄՆ-ի միջև առևտրային վեճի կարգավորման բանակցությունների նպատակներին հասնելու համար, լրագրողներին հայտարարել է Գերմանիայի կաբինետի խոսնակ Ստեֆան Կոռնելիուսը։

«Գերմանիայի Դաշնային Հանրապետության կանցլերը ուրբաթ օրը հստակ հայտարարել է, որ ինքը հակամիջոցների ուժի մեջ մտնելը տվյալ փուլում նպատակահարմար չի համարում բանակցությունների նպատակին հասնելու համար։ Հենց այդ պատճառով էլ նա պնդում էր, որ մինչև հուլիսի վերջ ընկած ժամանակահատվածը պետք է օգտագործվի բանակցությունների համար։ Իհարկե, սա նաև պարունակում է ուղերձ այն մասին, որ անհրաժեշտ է պատրաստ լինել հուլիսի վերջից հետո ընկած ժամանակաշրջանին», – նշել է Կորնելիուսը։ Հենց այս հարցն է, ըստ նրա, ներկայումս քննարկվում Եվրահանձնաժողովի և ԵՄ անդամ պետությունների կողմից։

Գերմանիայի կառավարության ներկայացուցչի խոսքով՝ բանակցություններն ընթանում են ինտենսիվ կերպով և դրանցով զբաղվում է Եվրահանձնաժողովը (ԵՀ)։ «Հանգստյան օրերին նաև ինտենսիվ կապեր են եղել Գերմանիայի Դաշնային Հանրապետության կառավարության, Եվրահանձնաժողովի և գործընկեր երկրների միջև, որոնց այս խնդիրը լրջորեն է անդրադարձել, որպեսզի ամերիկյան կողմին հասկացվի, որ լուծումը պետք է գտնվի մինչև հուլիսի վերջ», – հայտարարել է Կորնելիուսը։ Նա պարզաբանել է, որ ԵՀ-ն ներկայացրել է բոլոր հնարավոր հակամիջոցները և Գերմանիայի Դաշնային Հանրապերության կառավարությունն աջակցում է Եվրահանձնաժողովի առաջարկներին։

Գերմանիայի կառավարության ներկայացուցիչը տեղեկացրել է, որ Գերմանիայի Դաշնային Հանրապետության կանցլերը հանգստյան օրերին մաքսատուրքերի հարցը քննարկել է Ֆրանսիայի նախագահ Էմանուել Մակրոնի հետ։ Բացի այդ, ղեկավարները կանդրադառնան այս թեմային հուլիսի 23-ին՝ Ֆրանսիայի ղեկավարի Գերմանիա կատարելիք այցի ընթացքում։ «Նախագահ Մակրոնը չորեքշաբթի օրը ժամանում է Բեռլին և կարող եք վստահ լինել, որ դա քննարկման թեմա կդառնա», – ամփոփել է Կորնելիուսը։

Ավելի վաղ ԱՄՆ նախագահ Դոնալդ Թրամփը հայտարարել էր օգոստոսի 1-ից սկսած եվրոպական ամբողջ արտահանման վրա 30% մաքսատուրքերի սահմանման մասին, ի լրումն ԵՄ-ից ներկրվող պողպատի, ալյումինի և ավտոմեքենաների համար արդեն գործող 10% սակագների։ Ի պատասխան՝ Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ այս մաքսատուրքերը կխաթարեն անդրատլանտյան մատակարարման շղթաները և կոչ է արել՝ անկախ ամեն ինչից, փորձել համաձայնության հասնել մինչև օգոստոսի 1-ը։