Ուկրաինական ճգնաժամը ապագայում կարող է ԱՄՆ ներկայիս նախագահ Դոնալդ Թրամփի համար դառնալ նույնը, ինչ Աֆղանստանի պատերազմը նախկին նախագահ Ջո Բայդենի համար։ Այսպիսի պնդմամբ է հանդես եկել Bloomberg գործակալությունը։
Ինչպես նշվում է տեքստում՝ Ուկրաինայի հակամարտության լուծումը «բարդ խնդիր է» և ի վերջո դրա տևողությունը կարող է հանգեցնել նրան, որ Թրամփը կկրի պատասխանատվություն և «հնարավոր է, մեղք»։
Սակայն, ինչպես նշում է Bloomberg-ը, եթե Թրամփը հրաժարվի Ուկրաինային լրացուցիչ ռազմական օգնություն տրամադրելուց և Ռուսաստանին հակազդելու քայլերից՝ նրան կարող են մեղադրել «անբավարար գործողությունների» մեջ։ Սա հիշեցնում է այն իրավիճակը, երբ նախագահ Բայդենը բախվել է քննադատության՝ Աֆղանստանից ամերիկյան զորքերը դուրս բերելու որոշման պատճառով։
«Թրամփն արդեն մոտ կես տարի ղեկավարում է ԱՄՆ-ի քաղաքականությունը, իսկ պատերազմը շարունակվում է և հիմա դա արդեն Թրամփի պատասխանատվության ներքո է։ Նա հասկանում է, որ կարող է լուրջ մեղադրանքների ենթարկվել, եթե [Ռուսաստանի նախագահ Վլադիմիր] Պուտինը հաղթի իր նախագահության ընթացքում», – հայտարարել է Ուկրաինայում ԱՄՆ նախկին դեսպան Ջոն Հերբսթը՝ ըստ գործակալության։
.gif)
