Որոշումը, Փաշինյանի արձակուրդում լինելու հանգամանքով պայմանավորված, ստորագրել էր փոխվարչապետ Մհեր Գրիգորյանը։ArmLur.am-ը ներկայացնում է, թե ով է Միքայել Զալինյանը և ինչ ճանապարհ է անցել․Այսպիսով, Միքայել Զալինյանը պետական համակարգում աշխատում է դեռ 2009 թվականից որպես ՀՀ Տարածքային կառավարման նախարարության աշխատակազմ՝ Նախարարի առաջին տեղակալի օգնական։ Գրեթե 2 տարի այս պաշտոնում նալուց հետո Զալինյանը տեղափոխվել է Երևանի քաղաքապետարան և աշխատել է Երևանի քաղաքապետարանի աշխատակազմ՝ Գնումների վարչության գնումների կազմակերպման բաժին Առաջատար մասնագետ, այնուհետև՝ գլխավոր մասնագետ։
2017 թվականից Միքայել Զալինյանը տեղափոխվել է ՀՀ կառավարություն․ Պետական հատվածի արդիականացման 3-րդ ծրագիր՝ Համաշխարհային բանկ, ՀՀ կառավարություն՝ Գնումների և ՏՏ խորհրդատու։ 2018-2019 թվականներին ՀՀ Պետական վերահսկողական ծառայությունում է աշխատել Գործերի կառավարման և գնումների կազմակերպման բաժին Բաժնի պետի տեղակալ, գործերի կառավարչի տեղակալ, 2019-2020 թվականներին՝ ՀՀ Պետական վերահսկողական ծառայությունում՝ Գնումների գործընթացների վերահսկողության վարչությունում՝ Գլխավոր մասնագետ։
2020 թվականին ընդունվել էր աշխատանքի Քաղաքացիական ավիացիայի կոմիտեում՝ Գլխավոր քարտուղար և այդ պաշտոնում 4 տարի աշխատելուց հետո կրկին վարչապետի որոշմամբ ազատվել է պաշտոնից։
Հենց նշանակման տարում Միքայել Զալինյանը Երևան քաղաքի Կենտրոն վարչական շրջանում բնակարան է նվիրատություն ստացել, նաև հենց այդ տարի գնել է նոր մեքենա KIA մակնիշի։
Բանկային հաշիվների մնացորդները կազմակերպել են 1 մլն 100 հազար դրամ, կանխիկ դրամական միջոցները կազմել են 8 մլն դրամ և 2 հազար դոլար։
Համաձայն 2024 թվականի տարեկան հայտարարագրի՝ Զալինյանի հաշվետու տարվա եկամուտները կազմել են 12 մլն 725 հազար դրամ, որից 10 մլն 524 հազարը աշխատանքի վարձատրություն է Քաղաքացիական ավիացիայի կոմիտեից, 620 հազար դրամը շահաբաժին է «Տրանս Սիստեմ» ՍՊԸ-ից, իսկ գրեթե 1,5 մլն դրամը վարկ է ՀՀ բանկերից։
Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 3 մլն 443 հազար դրամ։
Էմմա Միքայելյան
.gif)
