«Խոպանից»՝ Վեդիի համայնքապետ․ Գարիկ Սարգսյանի կենսագրությունն ու ունեցվածքը

Նշանակումից հետո 2022 թվականին Սարգսյանի կինը նոր աշխատանք է ստացել՝ Միասնական սոցիալական ծառայության Վեդու տարածքային կենտրոնում որպես փորձագետ։

Ամուսնու կարիեռային զուգահեռ կինը ևս նոր աշխատանք է ձեռք բերել։

Գարիկ Սարգսյանի 2024 թվականի տարեկան հայտարարագրի համաձայն՝ համայնքապետն ունի 4 անշարժ գույք, 1 հողամաս, 1 անհատական բնակելի տուն, իսկ համայնքապետ եղած ժամանակ ձեռք է բերել 2 հասարակական նշանակություն ունեցող տարածք Տավուշի մարզի Դիլիջան համայնքում։
Բանկային հաշիվների մնացորդները կազմել է 687 հազար դրամ, կանխիկ դրամական միջոցները կազմել են 650 հազար դրամ։

Հաշվետու տարվա եկամուտները կազմել է 10 մլն 622 հազար դրամ, որից 5 մլն 622 հազար դրամը աշխատանքի վարձատրություն է, իսկ 5 մլն դրամը վարկ է։

Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 5 մլն դրամ։

Գարիկ Սարգսյանը հանդիսանում է Քաղաքացիական պայմանագիր կուսակցության  Վեդու տարածքային խորհրդի նախագահ։

Խորհրդարանում լրագրողների հետ զրույցում Արարատի նախկին մարզպետ Գարիկ Սարգսյանը Կոկորդիլոսաբուծարանի կառուցման գործընթացի մասին խոսելիս զավեշտալի իրավիճակում էր հայտնվել՝ ասելով․

«Ես ավելի շատ կենսաբանի ու կենդանիների ուսումնասիրման մասնագետ եմ դարձել: Կոկորդիլոսն իր ամբողջ օրգան համակարգերով մոտ է թռչուններին: Կոկորդիլոսը չունի ստամոքս, ունի քարաճիկ, պատկերացնո՞ւմ եք: Այսինքն՝ ինչ-որ ժամանակ նրանք թռչել են»:

Էմմա Միքայելյան