Իրանի Արտաքին գործերի նախարարության խոսնակը դատապարտել է սիոնիստական ռեժիմի կողմից «Հանդալա» նավի վրա իրականացված հարձակումը, որը մարդասիրական օգնություն էր տեղափոխում Գազա։
Կիրակի երեկոյան տարածած հայտարարության մեջ Էսմայիլ Բաղայի Քահրաման նշել է, որ Իսրայելի գործողությունը ծովահենության բացահայտ օրինակ է և միջազգային իրավունքի կոպիտ խախտում։
Նա ընդգծել է, որ հարձակումը իրականացվել է իսրայելական ռեժիմի ցեղասպան քաղաքականության շրջանակում՝ օկուպացված պաղեստինյան տարածքներում, և շարունակվում է Գազայի շրջափակման դաժան ու անմարդկային քաղաքականությունը, որի նպատակն է սովամահ անել անպաշտպան բնակչությանը։
Բաղային հավելել է, որ «Հանդալա» նավի վրա հարձակումը, որը հաջորդել է «Մադելին» նավի դեմ նախորդ գործողությանը, միջազգային իրավունքի սկզբունքների և կանոնների կոպիտ խախտում է և պետք է դատապարտվի բոլոր կառավարությունների և միջազգային կազմակերպությունների կողմից։
Հիշեցնենք, որ շաբաթ երեկոյան իսրայելական ուժերը հարձակվել են Գազա ուղևորվող «Հանդալա» նավի վրա, որը մարդասիրական օգնություն էր տեղափոխում սովի եզրին գտնվող Գազայի ժողովրդին։
Անի Վարդանյան
.gif)
