Համաշխարհային աստղ Ջենիֆեր Լոպեսի «UP ALL NIGHT» շրջագայության շրջանակում Հայաստանում անցկացվող համերգին հաշված օրեր են մնացել։
Նշենք, որ այս ամառ Լոպեսը ելույթ է ունենալու իր օտարերկրացի երկրպագուների համար` լինելով ոչ միայն Հայաստանում, այլև Իսպանիայում, Ղազախստանում, Լեհաստանում, ԱՄԷ–ում, Հունգարիայում, Եգիպտոսում և այլ երկրներում։
«JLoLiveIn2025 շոուի տոմսերի վաճառքը կսկսվի ապրիլի 29-ին` Երևանի ժամանակով ժամը 12։00-ին»,– այս մասին գրել էր երգչուհին։
Նշենք, որ ապրիլից մեկնարկած տոմսեր վաճառքը կարծես թե մոտենում է ավարտին։ ArmLur.am-ը հայտնել էր, որ համերգի տոմսերն արժեն 25 000-180 000 դրամ։
Ֆան զոնայում` անմիջապես բեմի դիմաց լինելու համար երկրպագուները կվճարեն 55 000 դրամ, կանգնած հատվածում և որոշ նստատեղերում` 35 000 դրամ, հենց այս տոմսերն են, որոնց համար դեռ հասանելի են տոմսեր։
Մնացած նստատեղերի համար տոմսերը կարժենան 50 000 դրամ, 55 000 դրամ, 60 000 դրամ։ Այս տոմսերի մեծ մասը սպառվել է։ Բեմի աջ կողմում էլ կլինեն ամենաթանկ տոսմերը` 180 000 դրամ արժողությամբ, իսկ այս տոմսերը դեռ ամբողջությամբ չեն սպառվել։
Հիշեցնենք, որ Ջենիֆեր Լոպեսի երևանյան համերգը կայանալու է Վազգեն Սարգսյանի անվան հանրապետական մարզադաշտում օգոստոսի 3-ին։
Անի Վարդանյան
.gif)
