Շանհայի իշխանությունները ժամանակավորապես անվտանգ վայրեր են տեղափոխել ավելի քան 280 հազար մարդու, պատճառը՝ մեգապոլիսին հարվածած «Կո-Մեյ» թայֆունի հետևանքով առաջացած հորդառատ անձրևներն են։ Այս մասին հայտնել է Չինաստանի Կենտրոնական հեռուստատեսությունը։
Քաղաքում ակտիվացվել է ջրհեղեղների և թայֆունների արձագանքման չորս մակարդակներից երրորդը (առաջին մակարդակը ամենաբարձրն է)։ Շանհայի օդերևութաբանական կայանի կանխատեսումների համաձայն՝ մեկ օրվա ընթացքում մեգապոլիսում կտեղա ավելի քան 80 մմ տեղումներ, ինչը կարող է հանգեցնել ջրհեղեղների ենթակա շրջաններում ջրի տակ անցնելուն։
«Կո-Մեյ» թայֆունը հուլիսի 29-ի լույս 30-ի գիշերը հորդառատ անձրևներ և ուժեղ քամիներ է բերել Չինաստանի արևելքում գտնվող Յանցզի գետի դելտայի շրջան, այդ թվում նաև Շանհայ։ Շանհայի մետրոպոլիտենային տարածքով դեպի հյուսիս-արևմուտք շարժվելով՝ քամու արագությունը, կանխատեսումների համաձայն, կհասնի 28 մ/վրկ-ի:
.gif)
