Օգոստոսի 23-ին՝ Հայկական ԽՍՀ Գերագույն խորհուրդի կողմից ընդունված Հայաստանի անկախության հռչակագրի օրը, «Հանուն Հանրապետության» կուսակցության նախագահ Արման Բաբաջանյանը Գյումրիում նախատեսում է իրականացնել բողոքի ակցիա՝ ընդդեմ ռուսական 102-րդ ռազմաբազայի:
«102-րդ ռազմաբազան սպառնալիք է, ոչ թե անվտանգություն»,- հայտարարել է Արման Բաբաջանյանը:
Հիշեցնենք, որ Արման Բաբաջանյանը մշտապես հանդես է եկել հակառուսական իր կոչերով, գաղափարներով ու հայացքներով: Արման Բաբաջանյանն ու իր համախոհներն վերջին անգամ նմանատիպ բողոքի ակցիաներ իրականացրեցին մայիսի 21-ին ՀՀ ԱԳՆ շենքի դիմաց՝ Լավրով-Միրզոյան հանդիպման ժամանակ, ինչպես ՀՀ ԱԺ դիմաց՝ Վալենտինա Մատվիենկոյի հայաստանյան այցի դեմ:
Տեղեկացնենք, որ 1990 թվականի օգոստոսի 23-ին Հայկական ԽՍՀ Գերագույն խորհուրդն ընդունեց Հայաստանի անկախության հռչակագիրը:
Փաստաթուղթը հռչակեց «անկախ պետականության հաստատման գործընթացի սկիզբը»:
«Հայկական ԽՍՀ-ն վերանվանվում է Հայաստանի Հանրապետություն՝ կրճատ՝ Հայաստան: Հայաստանի Հանրապետությունն ունի իր դրոշը, զինանշանը և հիմնը: Հայաստանի Հանրապետությունը ինքնիշխան պետություն է՝ օժտված պետական իշխանության գերակայությամբ, անկախությամբ, լիիրավությամբ», – ասվում է հռչակագրում:
Նանիկ Աղասյան
.gif)
