Ադրբեջանի արտաքին գործերի նախարարության մամուլի քարտուղար Այխան Հաջիզադեն քննադատել է Ռուսաստանի Դաշնության պաշտոնական պետական լրատվական գործակալություն ՏԱՍՍ-ին՝ Արցախի մայրաքաղաքը «Ստեփանակերտ» անվանելու համար։
Հաջիզադեն նշել է, որ ՏԱՍՍ-ի կողմից «Ստեփանակերտ» անվան օգտագործումը, դիտարկվում է որպես անհարգալից վերաբերմունք և վիրավորանք Ադրբեջանի տարածքային ամբողջականության նկատմամբ։
«Հիշեցնում ենք ռուսական կողմին, որ Խանքենդիի անվանափոխումը Ստեփանակերտի մեր երկրի նկատմամբ անհարգալից քայլ է։ Անվանումը տրվել է բոլշևիկ Ստեփան Շահումյանի պատվին, ով, ադրբեջանական կողմի պնդմամբ, դաշնակցական հայերի հետ միասին իրականացրել է ջարդեր ադրբեջանցիների նկատմամբ», – հայտարարել է Հաջիզադեն։
Ադրբեջանի ԱԳՆ-ն հայտնել է, որ ակնկալում է, որ ռուսական կողմը կդադարի օգտագործել Արցախի տեղանունները և կվերադառնա Ադրբեջանի կողմից պաշտոնապես օգտագործվող անվանումներին։ Հակառակ դեպքում, ըստ Հաջիզադեի, Ադրբեջանը կարող է փոխադարձաբար օգտագործել Ռուսաստանի տարբեր բնակավայրերի պատմական անվանումները։
Ադրբեջանի ԱԳՆ-ն նաև պահանջել է ՏԱՍՍ գործակալությունից ներողություն և համապատասխան ուղղում կատարել։ Հակառակ դեպքում, ըստ հայտարարության, կարող են ձեռնարկվել իրավական քայլեր ՏԱՍՍ-ի գործունեության նկատմամբ Ադրբեջանում։
Անի Վարդանյան
.gif)
