Հնդկաստանի տեքստիլ շուկան որևէ խնդրի չի բախվի ԱՄՆ-ի կողմից երկրի արտադրանքի վրա բարձր մաքսատուրքեր սահմանելուց հետո, հայտարարել է Հնդկաստանի առևտրականների համադաշնության նախագահ Չամպալալ Բոթրան:
«Հնդիկ տեքստիլ առևտրականները այնքան ուժեղ են, որ կարող են իրենց շուկան ստեղծել աշխարհի ցանկացած վայրում», – ասել է նա ANI-ին:
Նրա խոսքով, չնայած Դոնալդ Թրամփի կողմից Հնդկաստանի նկատմամբ մաքսատուրքեր սահմանելուն, տեքստիլ արդյունաբերությունը որևէ խնդրի չի բախվում»:
«Մենք ուզում ենք Հնդկաստանի կառավարությանն ասել, որ ԱՄՆ գնացող մեր արտահանման 35%-ը կարող է փոխհատուցվել ազատ առևտրի համաձայնագրերի միջոցով, կառավարության քաղաքականության մեջ փոփոխություններ կատարելով և այլ երկրներ արտահանելով ծախսերը կրճատելով», – հավելել է Բոթրան։
.gif)
